शाईकुमारी मा वि रोकाजाखेत

आदरणीय अभिभावक, प्यारा विद्यार्थी भाइबहिनीहरू तथा सम्पूर्ण शुभचिन्तकहरू,

शाईकुमारी माध्यमिक विद्यालय रोकाजाखेत आधिकारिक वेबसाइटमा यहाँहरू सबैलाई हार्दिक स्वागत गर्दछु। रुकुम पश्चिमको आठबिसकोट नगरपालिकामा अवस्थित यस विद्यालयले यस क्षेत्रको शैक्षिक, बौद्धिक तथा सामाजिक रूपान्तरणमा स्थापना कालदेखि नै अग्रणी भूमिका निर्वाह गर्दै आएको छ।

हाम्रो मुख्य उद्देश्य केवल किताबी ज्ञान प्रदान गर्नु मात्र नभई विद्यार्थीहरूलाई नैतिकवान्, आत्मनिर्भर, सिर्जनशील र देशप्रेमी नागरिक बनाउनु हो। आधुनिक सूचना प्रविधिको यस युगमा हामीले गुणस्तरीय शिक्षण विधि, व्यावहारिक ज्ञान र अतिरिक्त क्रियाकलापलाई सँगसँगै अगाडि बढाइरहेका छौं।

विद्यालयको सर्वाङ्गीण विकासमा सहयोग पुर्‍याउनुहुने सम्पूर्ण शिक्षक वर्ग, विद्यालय व्यवस्थापन समिति, शिक्षक अभिभावक संघ, स्थानीय सरकार तथा अभिभावकज्यूहरूमा हार्दिक आभार व्यक्त गर्दछु। आगामी दिनहरूमा पनि यहाँहरूको यस्तै सद्भाव र साथको अपेक्षा गर्दछौं।